Baby Biuder

Es ganz persönlechs Unikat fürnes ganz nöis Läbe.

Mini Baby Biuder si e wunderschöni Erinnerig a d'Geburt u es persönlechs Gschänk, wo hoffentlech no ganz lang es Plätzli im Chinderzimmer darf ha.

Jedes Sujet wird vo Hang mit Aquarellfarbe gmaut u mit de persönleche Ahgabe vom Bebe ergänzt. So entsteit jedes Mau es ganz persönlechs Einzustück.

Da jedes Baby Biud vo Grund uf vo Hang entsteit u entsprechend Zyt brucht, bini froh umne früehzytigi Bstellig.

Grössi: A3 inkl. Biuderrahme
Lieferfrist: ca. 2–3 Wuche.

Das säge mini Chundinne & Chunde

Hesch du scho es Baby Biud oder es personalisierts Chärtli vo mir? De würdi mi riisig über dini Rückmäudig fröie!

Für mi steckt i jedem Uftrag ganz viu Härz, Zyt u Liebi zum Detail. Umso schöner isches für mi z'ghöre, wie mis Wärch am Schluss bi öich ahchunnt.

U dini Rückmäudig macht nid nume mir e riisegi Fröid – si hiuft oh angerne, wo Maribella grad ersch entdecke.
Merci viu mau für dis Vertroue u dass mini Wärch immer wieder es Plätzli bi öich dörfe finde.

Bewertung: 5 Sterne
2 Stimmen

Kommentar hinzufügen

Kommentare

Tanja Gäumann
Vor 4 Tage

I ha fängs eis personalisierts Chärtli bsteut - aber es wird definitiv nid z‘letschte si. Me merkt wie viu Liebi zum Detail i dene Chärtli steckt. Me cha ar Marina au sini Wünsch mitteile u si wärde problemlos umgsetzt. I fröie mi scho ize uf di nächschti Bstellig woni cha i Uftrag gäh. ☺️

Marina
Vor 3 Tage

Das fröitmi z'ghöre! Danke dir du Liebi.

Tamara Gäggeler
Vor 4 Tage

I freue mi jedes Mal über dini wunderschöne Chartene, will i weiss, wie viel Arbeit dahintersteckt, und sie für mi eifach öppis ganz Einzigartigs si. 🥰

I ha scho verschiedeni Kärtli bi dir kauft, aber au mehri Babybilder. Alli Persone, woni dermit beschenkt ha, händ sich jedes Mal unglaublich fest drüber gfröit. Und au a üsem eigete Babybild erfreue i mi tagtäglich, wenn i es aluege. ❤️

Merci viel, viel mal für dini wunderschöni Arbeit und für all die liebevolle Details, wo dini Bilder so bsundrig mache. Es isch jedes Mal e riesigi Freud! 🥰

Marina
Vor 3 Tage

Oooh danke tuusig für dini liebe Wort. Das bedütet mir mega viu!