Schön bisch du da
Hie fingsch e Uswau vo mine handgmachte Charte, Gschänkahänger u persönleche Baby Biuder – mit viu Härz gstautet u Liebi zum Detail.
Stöbere gärn chli düre u la di la inspiriere. U söttsch du öppis entdecke, wo dir gfaut, aber no nid ganz dim Wunsch entspricht, mäud di eifach bi mir. Viu cha individuell ahpasst oder personalisiert wärde.
Ob Geburtstag, Hochzyt, Geburt, Toufi oder e ganz angere bsungrige Ahlass – dini Charte wird individuell gstautet, gmaut, beschriftet u mit viu Liebi zum Detail zämegsetzt.
Name, Datum, Spruch oder persönlechi Botschaft chöi je nach Wunsch integriert wärde. So wird us jedem Chärtli es chliises Unikat.
Grössi: 15x15cm oder 15x10cm (inkl. Couvert, wo oh beschriftet isch)
E wunderschöni u ganz persönlechi Erinnerig a d'Geburt – u es Gschänk, wo hoffentlech no ganz lang es Plätzli im Chinderzimmer darf ha.
Jedes Sujet wird vo Hang mit Aquarellfarbe gmaut u mit de persönleche Ahgabe vom Bebe ergänzt. So entsteit jedes Mau es ganz persönlechs Unikat.
Grössi: A3 inkl. Biuderrahme
Da jedes Baby Biud vo Grund uf vo Hang entsteit u entsprechend Zyt brucht, bini froh umne früehzytigi Bstellig.
Lieferfrist: ca. 2–3 Wuche.
Zumene schöne Gschänk ghört mängisch eifach no z'passende Chärtli derzue.
Ob Geburtstag, Geburt, es liebs Merci, es paar tröstendi Wort oder eifach so – bi mine Postcharte fingsch du für ganz ungerschidlechi Momänte im Läbe z'passende Sujet.
D'Designs wärde vo mir vo Hang zeichnet u gstautet u när professionell druckt.
Grössi: A6 mit abgrundete Egge, Naturpapier
Mini handgmachte Gschänkahänger gits i verschiedene Farbe u Variante u passe perfekt zumene schön verpackte Gschänk oder eifach aus chlini Geste fürne Lieblingsmönsch.
Jedes Ahängerli wird vo Hang usgschnitte, mitere Öse umene Schnüerli ergänzt u när individuell vo Hang beschriftet.
Grössi: 9,5x5,5 cm