Schön bisch du i mim Online-Shop glandet. Hie gsehsch du afa e Teu vo mini Wärch.. es wärde loufend witeri Sache ufgschaute. 

Faus du öppis hesch gseh wo dir gfaut, aber nid ganz dim Wunschtext entspricht, de mäud di doch bi mir u mir luege zäme obi di Wunsch cha erfüue.

Postcharte

Bruchsch du no di passendi Charte für zu dim Gschänk derzue? Fasch zu jedem Ahlass ha ig dir di perfekti Lösig derzue.
Jedi Charte wird aus erschts vo Hang zeichnet u ersteut u när wärde si so i Druck gä.

Grössi: A6 mit abgrundete Egge, Naturpapier

Gschänksahänger

Ob für ahnes Päckli oder oh eifach so aus Geste, die handgfertigte Ahänger fingsch du i verschindenste Farbe u Variatione bi mir. Jedes Ahängerli wird vo Hang usgschnitte, mitere Öse u eme Schnüerli verziert u när wird jedes individuell vo Hang beschriftet.

Grössi: 9,5x5,5 cm

Baby Biuder

E wunderschöni u einzigartegi Gschänksidee für zure Geburt oder Toufi. Jedes Biud wird vo Hang mit Aquarellfarbe uf Papier bracht u mit Personalisierte Ahgabe nach dine Wünsch ergänzt. Somit isch sicher jedes Wärch es Unikat.

Da die Biuder aui vo Grund uf vo Hang ersteut wärde u das zimli Zytufwändig isch, bini froh umne früehzytegi Bstellig. D'Lieferfrist bewegtsech hie zwüsche 2-3 Wuche. Danke fürs Verständnis.

Grössi: A3 inkl. Biuderrahme